Marselo Brozoviç rezulton përsëri pozitiv me koronavirus. Pas negativitetit të tij para disa ditësh, kroati është infektuar përsëri me COVID-19 përpara sfidës së sotme ndaj Sasuolos.
Këtë lajm e ka bërë vetë zyrtare klubi i Interit ku me një komunikatë në werbsite-n e saj “Inter.it”, informon opinionin publik se mesfushori 28-vjeçar është infektuar me simptoma të lehta:
“FC Internazionale Milano komunikon se Marselo Brozoviç ka rezultuar lehtësisht pozitiv me COVID-19, nga tamponët e kryera ditën e djeshme pas negativitetit të ditëve më parë.
Lojtari është lënë jashtë grupit të skuadrës dhe nuk do të jetë në dispozicion për ndeshjen e sotme ndaj Sasuolos.”, përfundon komunikatën skuadra zikaltër.