“Fillimi i kampionatit ka qenë një sukses. Situata është e rëndë: nga shkurti në dhjetor Seria do të humbasë 600 milionë euro, 400 nga biletat dhe 200 nga sponsorët”.
Këto kanë qenë fjalët e Paolo dal Pino, presidenti i Lega Serie A, në një ndërhyrje të bërë në Global Boardroom të Financial Times, në lidhje me ndikimin e Covid-19 në sektorë të ndryshëm të ekonomisë.
Numri një i futbollit italian ka folur më pas për strategjitë për të rimëkëmbur kampionatin italian në nivel global.
“Covid mund të jetë një mundësi për të ndryshuar modelin e biznesit të Lega-s, edhe pse është e vështirë ta modernizosh biznesin në këtë situatë, në një moment kaq të vështirë”.
“Kemi filluar të flasim me fonde private investimi para pandemisë dhe jemi në fazën e fundit të negociatave, Objektivi është t’i shfrytëzojmë aftësitë e tyre për të rritur vlerën e Serisë A për një periudhë afatgjatë”.
“Kam besim, është një mundësi rritjeje, por gjëja kryesore është të kesh një strategji”, ka thënë Dal Pino.