Merr fund makthi për sulmuesin italian Çiro Imobile, ku është shëruar nga koronavirusi nga rezultatet e tamponeve të kryera mbrëmjen e djeshme.
Ishte një kalvar i gjatë për bomberin e Lacios pas disa rezultateve të një pas njëshme pozitiv dhe negative ku e kanë shoqëruar gjithë këto ditë në vetë-izolim.
Pas një interviste me disa gazetar në hyrjen e qëndrës shëndetësore ku po kryente disa kontrrolle mjekësore, sulmuesi bardhekaltër deklaroi se po punon fort për të qenë i gatshëm në ndeshjen ndaj Krotones.
Imobile nuk aktivizohet që më 1 nëntor në fitoren në transfertë ndaj Torinos ku arriti të shënojë dhe një gol, ai gjithashtu mungoi edhe në ndeshjen e Champions-it ndaj Zenitit dhe në kampionat ndaj Juventusit në ʺOlimpicoʺ të Romës.
