Tirana dhe Teuta përballen mes tyre ditën e sotme duke filluar nga ora 13:45, në ndeshjen e vlefshme për javën e dytë në Kategorinë Superiore.
Pritet një ndeshje e luftuar nga të dyja skuadrat, ashtu siç kanë qenë edhe në të kaluarën përballjet mes këtyre dy ekipeve. Të dyja skuadrat do të kërkojnë fitoren, pasi edhe pretendimet e tyre janë të mëdha. Teuta u kthye në një “mace të zezë” për bardheblutë e Egbosë sezonin e kaluara, teksa në 5 ndeshjet e zhvilluara sezonin e kaluar, durrsakët regjistruan 3 fitore 1 humbje dhe 1 barazim.
Ndeshja do të zhvillohet në stadiumin e Pogradecit “Gjorgji Kyçyku”, për shkak të problemit që Tirana, vendase në këtë takim ka me stadiumin “Selman Stërmasi”.
Tirana do të ketë gati për sot Bathën dhe Torasën, që ishin pezulluar nga Komisioni i Disiplinës me 4 ndeshje, por duke parë që e kanë kaluar gjysmën e dënimit, klubi bardheblu ka shlyer me gjobë që ata të ishin me skuadrën sot.
LIVE| TIRANA-TEUTA 0-1
L. Vila 32′
KOMENTI LIVE:
82’ Pranë golit të barazimit Tirana, me Vangjelin, i cili pas një topi të marrë në zonë, nuk ia del ta dërgojë në rrjetë, teksa ndalet në momentin e fundit nga Stivi Frashëri.
80′ Çfarë rasti për Tiranën me Kobina, që lëviz bukur në krahun e djathtë, duke dribluar Kuron, teksa lëshon një gjuajtje me të majtën, por topi ndalet te shtylla.
73’ Momente të mira për Tiranën në këtë pjesë të dytë, me bardheblutë që tentojnë të shënojnë golin e barazimit, por pa sukses, duke mos sjellë asnjë rast të rrezikshëm.
70’ Rrezikon përsëri Teuta me Kuron, që niset drejt portës së Tiranës, por nuk ka shumë mundësi për të pasur dhe mbyllet në fund.
60’ Tjetër zëvendësim te Tirana. Egbo largon nga fusha e lojës Tolin, për të inkuadruar në vendin e tij Agustin Torasën.
57’ Lëvizje e bukur e Hebajt në zonën e Tiranës, që gjuan fort, pro mbyllet në momentin e fundit nga Najdovski që e dërgon topin në goditje këndi.
50′ Zëvendësim te Tirana, Egbo largon nga fusha e lojës Vrapin për Giamfi.
Starton pjesa e dytë!
Mbyllet sfida në Pogradec!
45′ Sasraku, tenton të shënojë, por gjatë tentativës për të gjuajtur topin, shkakton goditje dënimi ndaj portierit Frashëri, për të cilën ai nuk ishte dakord. Pas kësaj sulmuesin bardheblu nuk e kanë mbajtur nervat, teksa ka nisur të përplaset me futbollistët kundërshtar. Kaq ka mjaftuar që situata të tensionohet, me sulmuesin që pas përplasjes ka shtyrë me duart Lorenco Avdylin, duke e përplasur atë në tokë.
32’ GOOOOOOOL TEUTA 0-1. Fantastik Lorenco Vila, i cili pas një krosimi perfekt të marrë nga Devi Bregu nga goditja e dënimit, gjuan bukur me kokë. Duke e dërguar topin në fundin e rrjetës.
19’ Pretendon për penallti Rubin Hebaj, i cili ishte nisur në drejtim të topit, por merr një shtyrje nga Hoxhallari. Hamiti bën me shenjë se loja duhet të vazhdojë.
14’ Kobina i shkon shumë afër golit, teksa lëviz bukur nga krahu i majtë, lëshon një gjuajtje por topi shkon ngjitur me shtyllën e djathtë.
12’ Pranë golit Teuta me Avdylin, që përfiton nga një gabim në mbrojtjen e Tiranës dhe menjëherë lëshon një top drejt portës, por sfera shkon jashtë.
2’ Rrezikon menjëherë Tirana me Danso, i cili lëviz bukur në krahun e majtë, lëshon një gjuajtje me të majtën, por topi shkon jashtë.
