Chelsea ka informuar menaxherët e Kepa Arrizabalaga se lojtari duhet të gjejë një skuadër të re në merkaton e janarit.
Eksperti italian i merkatos Fabrizio Romano ka bërë të ditur se klubi londinez ka informuar përfaqësuesit e lojtarit se ai mund të largohet me formulën e huazimit për pjesën e dytë të sezonit.
Kepa ka humbur vendin në formacionin titullar në këtë sezon pas blerjes së Edouard Mendy në verë dhe kjo ka vënë në rrezik edhe vendin e portierit te kombëtarja e Spanjës.
Duke parë se blerësit mungojnë, Chelsea nuk do ta kishte problem që ish-portieri i Athletic Bilbao-s të huazohej.
Kjo lëvizje është një mënyrë për të ruajtur vlerën e Kepa-s në merkato, me synimin për ta shitur në qershor.
