Ftesa e parë me përfaqësuesen e Kosovës ka gëzuar pa masë jo vetëm sulmuesin e Ballkanit Mirlind Dakun, por dhe ekipin e tij. Skuadra nga Suhareka dhe trajneri i saj Ismet Munishi kanë përgëzuar lojtarin e tyre në mënyrë krejt të veccantë.
Daku kalon mes një “tuneli” të krijuar nga shokët e ekipit, të cilët e përgëzojnë me shpulla në kokë, ndërsa në fund, trajneri i tij Munishi i ka dhënë një shkelm nga pas dhe më pas e përqafon.
Daku ka spikatur këtë sezon në Superligën e Kosovës ku në 10 takimet e para ka realizuar 17 gola. Pas paraqitjeve fantastike në kampionat, mediat dhe opinioni sportiv në Kosovë i bën thirrje trajnerit të përfaqësueses “Dardane” Bernard Shaland të ftonte ish-sulmuesin e Kukësit.