Ka bërë të ëndërrojnë tifozët e Inter-it dhe jo vetëm.
Ka lajmëruar tërheqjen 14 muaj më parë, më 7 shtatorin e 2019-ës. Një javë më parë ka shpëtuar nga një aksident i frikshëm.
Por tani, në prag të 40-vjetorit, Samuel Eto’o është gati për një kthim të bujshëm në fushë. Ideja e çmendur i ka ardhur Racing Murcia-s, skuadër e kategorisë së tretë e futbollit spanjoll, që do të sfidojë Levante-n në raundin e parë të Kupës së Mbretit.
“Mundësia e një firme me ne është 50%”, ka thënë presidenti i klubit andaluz për Radio Marca. “Javën e ardhshme do ta dimë nëse do të mund ta marrim”.
“Kemi investitorë në Meksikë dhe në Emirate që mund ta mbështesin ekonomikisht operacionin. Kemi një plan B. E dimë se ndeshja kundër Levante-s është shumë e rëndësishme, është momenti për të bërë disa përjashtime”.
