“Jam në klubin më të mirë në botë dhe me stilin e lojës, që kam dashur gjithmonë të luaj. Por nuk jam ende i kënaqur. Dua të kem mundësi të fitoj tituj dhe të lë gjurmët e mia në këtë klub. Ky është qëllimi im dhe do punoj fort për ta arritur”.
Miralem Pjanic u transferua gjatë kësaj vere te Barcelona në shkëmbimin që çoi brazilianin Arthur te Juventusi, duke u vlerësuar të dy në bazën e 70 mln eurove.
Ndërsa për Arthur aventura italiane nuk ka nisur ashtu si duhet, Pjanic po mer pak nga pak frerët e mesfushës katalanase dhe në intervistën e dhënë për mediat iberike e shpreh këtë kënaqësi të madhe.
Boshnjaku flet edhe për prapaskenat e merkatos në të shkuarën. “Kisha mundësinë të shkoja në klube si Bayern Munich dhe Inter në të shkuarën, por nuk mendoja se ishte momenti i duhur.
Gjithashtu mund të isha bashkuar me Juventusin d vite përpara se të firmosja, por nuk e bëra sepse mendoja se nuk ishte koha e duhur.
Rrezikoja të kaloja dy vite të karrierës time në stol sepse te Juve në atë kohë ishte Paul Pogba, Andrea Pirlo dhe Arturo Vidal”.
