Real Madrid ka shumë mundësi të mos ketë në dispozicion Sergio Ramos për ndeshjen e Champions League kundër Inter-it të mërkurën e ardhshme pas dëmtimit të pësuar kundër Gjermanisë.
Megjithatë, madrilenët mund të gëzojnë për faktin se kanë rikuperuar dy elementë të rëndësishëm: Eden Hazard dhe Eder Militao.
Këtë e ka bërë të ditur Deportes COPE, sipas së cilës dy lojtarët kanë marrë pjesë këtë të enjte në stërvitjen e ekipit.
Edhe Casemiro, që ka rezultuar negativ ndaj tamponit anti-Covid, është i rikuperuar dhe në dispozicion të trajnerit Zinedine Zidane.
