Trajneri i Kukësit, Skënder Gega ka dhënë opinionin e tij për kualifikimin, pasi verilindorët mposhtën 5-0 Maliqin në turin e parë të Kupës.
“Ekipi e kishte vlerësuar ndeshjen dhe morëm rezultat dhe kualifikimin. Kemi luajtur pothuajse në dy grupe, pasi një pjesë lojtarësh u stërvitën në fushën tjetër. Rëndësi pati që e zgjidhëm shpejt rezultatin.
Dy ditët e mbetura janë të tilla me fokus maksimal për Tiranën dhe ne jemi 100% gati, i gjithë grupi. E vlerësojmë si një ndeshje shumë e rëndësishme”, deklaroi Skënder Gega pas kualifikimit në turin e dytë dhe në vigjilje të nisjes së kampionatit ndaj Tiranës.
