Chelsea do të përballet me Tottenham-in këtë të diel dhe Frank Lampard do të ketë përballë mësuesin e tij Jose Mourinho.
Trajneri i Bluve ka folur për Special One në konferencën për shtyp përpara ndeshjes:
“Jam larguar nga Chelsea në 2014 dhe jeta ime ka shkuar në drejtime të ndryshme. Marrëdhëniet mund të ndryshojnë. Me Jose kam patur gjithmonë një marrëdhënie të mirë”, ka thënë Lampard.
“Tani që jemi trajnerë të klubeve të mëdha rivale, mendoj se kjo e ndryshon marrëdhënien. Jo në mënyrë negative, nuk kam probleme me atë. Jemi persona që duam të fitojmë dhe të bëjmë mirë të dy”.
