Vdekja e Diego Maradonës mund të shkaktojë një grindje familjare mbi pasurinë e tij ndërsa ai lë pas pesë fëmijë që i njohu si të tijët dhe gjashtë të tjerë me të cilët ka qenë i lidhur.
Para se të vdiste, një nga vajzat e tij bënte shaka se ai mund të bënte një ekip futbolli me fëmijët e tij, pasi një argjentinase 23-vjeçare doli si e fundit që luftonte për të provuar se kishte një vajzë me të.
Maradona kishte njohur dy djem dhe tre vajza nga katër gra të ndryshme, përfshirë ata me ish-gruan e tij Claudia Villafane dhe ish partneren afatgjatë Veronica Ojeda.
Giannina Maradona, një nga dy vajzat e ish-futbollistit nga Villafane, bëri shaka vitin e kaluar pasi u bënë publike emrat e tre fëmijëve që thuhej se ishin të tij në Kubë: ‘Edhe tre të tjerë të nevojshëm për ekipin prej 11 fëmijësh!!! ‘
Në tetor të vitit të kaluar, një zeshkane 23-vjeçare e quajtur Magali Gil u shfaq si e fundit që kishte një fëmijë me Maradonën.
Por, nuk dihet ende se çfarë ka lënë në testamentin e tij legjendja e futbollit, që u shua sot pas një arrest kardiak, pak ditë pasi i ishte nënshtruar një ndërhyrjeje kirurgjikale të vështirë në tru.
