Diego Maradona ka vdekur.
Lajmin tronditës e ka dhënë Clarin. E përditshmja argjentinas ka bërë të ditur se ish-Pibe de oro është ndarë nga jeta pas një ataku kardiak teksa ndodhej në shtëpinë e tij në Buenos Aires, ku jetonte pasi kishte dalë nga klinika ku u operua në tru.
Në vend kanë shkuar nëntë ambulanca me synimin për ta kthyer në jetë. “Ka ndodhur e pashmangshmja”, ka shkruar e përditshmja argjentinase. Bashkë me Maradona-n ishte edhe vajza e tij Giannina.
Diego kishte mbushur 60 vjeç 30 tetorin e tij.
Karriera e Diego-s në 60 fotografi
Një Diego Armando Maradona në fillimin e karrierës së tij si futbollist mes radhëve të Argentinos Juniors.
Maradona luajti me Argentinos Juniors nga ekipet e moshiave deri në 1981-shin.
Maradona te Boca Juniors në sezonin 1981/2. Një fanellë që do ta veshë përsëri në fundin e karrierës së tij mes 1995-ës dhe 1997-ës.
Dy sezone për Maradona-n me Barcelona-n. Një eksperiencë e kushtëzuar nga dëmtimet.
5 korrik 1984: Maradona prezantohet në stadiumin San Paolo të Napoli-t para mijëra njerëzve.
Goditja e famshme e dënimit kundër Juventus-it në sezonin 1985/86.
Sezoni 1987/88 ka parë një duel të bukur mes Milan-it dhe Napoli-t për titullin, të fituar në fund nga kuqezinjtë e Gullit dhe Van Basten.
Maradona dhe Michel Platini. Dy lojtarë simbol të epokës së tyre që dëshmon fuqinë e madhe ekonomike të kampionatit italian gjatë atyre viteve.
Jo vetëm dy titujt në Serie A, por edhe një Kupë UEFA në 1989-ën të fituar në finale kundër Stuttgart.
Maradona bashkë me Antonio Careca-n, sulmuesi brazilian që shënoi 96 gola me fanellën e Napoli-t.
Careca, Maradona, Alemao.
Foto grupi e Napoli-t në 1987-ën.
Në Botërorin e 1982-shit, Argjentina e Maradona-s është dorëzuar para Italisë. Mbulimi i rreptë i Claudio Gentile-s ndaj pibe de oro ka mbetir në historinë e futbollit.
Mano de Dios. Në çerekfinalet e Botërorit të 1986-ës, Maradona shënoi me dorën e majtë golin e 1-0, duke mashtruar arbitrin tunizian Al Bin Nasser. Nuk kanë shërbyer për asgjë protestat e portierit anglez Peter Shilton.
Goli i dytë i Maradona-s në atë ndeshje mbahet mend për bukurinë e tij, aq sa është quajtur “goli i shekullit”.
Puthja e Kupës së Botës pas fitores kundër Gjermanisë Perëndimore në finalen e 1986-ës.
Përsëri Matthaus kundër Maradona-s në finalen e Itali 90. Këtë herë ka qenë gjermani që ka festuar.
USA 94: festa e zemëruar e Maradona-s pas golit ndaj Greqisë.
Gjithmonë USA 94, një nga imazhet e fundit të Maradona-s me Albiceleste-n, për dore me një infermiere teksa drejtohet për te testi antidoping. Do të rezultojë pozitiv.
Në vitet kur Maradona ishte në kulmin e karrierës, Topi i Artë jepej vetëm për lojtarët europianë. Për këtë arsye, në 1998-ën, France Football i dha një për karrierën.
Mes 2008-ës dhe Botërorit të 2010-ës, Maradona drejtoi Argjentinaën si trajner.
Maradona bashkë me Papa Françeskun, tifoz i madh i San Lornezo-s.
Tifozeria ultras e Boca-snë kohën e Maradona-s.
Maradona në 2014-ën në stadiumin San Paolo me presidentin e Napoli-t De Laurentiis.
Maradona, i papërmbajtshëm në tribunë në Kupën e Botës 2018.
Një homazh i “Krijimi” të Michalengelo-s në çatinë e një qendre sportive argjentinase.
Maradona dhe Corrado Ferlaino, presidenti i tij në kohët e Napoli-t.
Dashuria e Napoli-t për Diego-n nuk ka munguar kurrë, as pas kaq shumë vitesh.
Murali i famshëm në Quartieri Spagnoli të Napoli-t.
President nderi i Dinamo Brest dhe trajner i Gimnasia La Plata.
Më 3 nëntorin e 2020-ës, Maradona i është nënshtruar një operacioni në tru dhe ndërhyrja ka qenë e suksesshme. Më pas, më 25 nëntor ka ardhur lajmi tronditës nga Argjentina për vdekjen e tij.
