Fjalë të ëmbla për Romelu Lukaku-n nga ana e bashkëkombësit të tij Thomas Vermaelen, tani te Vissel Kobe, të thën për De Morgen.
“Romelu është shumë i fortë, një sulmues shumë i mirë. Faza mbrojtëse në Itali konsiderohet shumë e rëndësishme, megjithatë Romelu vazhdon të shënojë pa probleme, dhe të njëjtën gjë bën me Belgjikën”, ka thënë Vermaelen për sulmuesin e Inter-it.
“Kur ishte i vogël fliste gjithmonë për shembujt e tij: Thierry Henry dhe Didier Drogba. Donte të bëhej si ata. Mendoj se nuk duhet të nënvlerësohet roli që kanë patur trajnerët në këtë histori”.
“Romelu është një djalosh që duhet të ndihet gjithmonë mirë. ka nevojë për një trajner që të besojë plotësisht tek ai, sepse do të përmirësohet akoma”.
