Barcelona fitoi 5-2 kundër Betisit në një ndeshje që e ndihmoi dhe fati. Trajneri Ronald Koeman i çuditi të gjithë, pasi la Messin në stol për 45 minutat e para. Mungesa e tij u ndje duke qenë se pjesa e parë u mbyll me shifrat 1-1.
Dembele realizoi golin e parë për vendasit me një veprim fantastik në zonë për 1-0. Griezmann kishte mundësi të dyfishonte, por humbi penallti. Miqtë arritën të barazonin rezultatin në minutën e 45’+1′ me anë të Sanabrias për 1-1.
Pjesa e dytë nisi me spekatël duke qenë se Koeman aktivizoi Messin. Argjentinasi u bë protagonist te goli i Griezmann (49′). Ai shmangu mbrojtësit dhe portierin duke i dhënë mundësi francezit të shënonte për 2-1.
Messi realizoi golin e tretë me penallti në të 61′. Dembele goditi drejt portës, por gjuajtja e tij u ndal me dorë nga Mandi që doli me të kuqe. Miqtë reaguan me Loren në minutën e 73′ për 3-2, por ishte thjeshtë një iluzion.
Kapiteni Messi shënoi golin e katërt në minutën e katërt në minutën e 82′, ndërsa Pedri i vuri vulën rezultatit 5-2 në të 90′. Barca merr pikët e kërkuara dhe rikthehet te fitorja.
