Luis Suarez ka konfirmuar se ai ishte i vetëdijshëm para testit se cilat do të ishin pyetjet e provimit në Universitetin për të Huajt në Peruxhia. Kjo është ajo që është konfirmuar nga vetë lojtari, si një person i informuar për faktet nga magjistratët e Peruxhias që hetojnë provimin e tij “farsë” për njohjen e gjuhës italiane.
”ANSA” raporton se sulmuesi uruguajan u dëgjua ditën e sotme si dëshmitar nga videokonferenca, si pjesë e një letre ndërkombëtare të kërkesës të iniciuar nga prokurori i udhëhequr nga Rafaele Kantone.
Sipas indicieve të para, fjalimi i lojtarit ishte interesant për hetuesit. Përpara disa ditësh dha dorëheqjen rektorja e Universitetit për të Huajt e Peruxhias, Xhuliana Grego Boli, tashmë e pezulluar për tetë muaj nga ushtrimi i zyrës publike për hetimin e provimit të Suarezit.
Zhvillimet e fundit të hetimit prekën gjithashtu kreun e zonës sportive të Juventusit, Fabio Paratiçi, nën hetim për informacion të rremë tek prokurori publik dhe Luixhi Kiapero, avokat historik i klubit të Juventusit për të cilin rëndon hipoteza e së njëjtës akuzë.
