Derbi i parë i kryeqytetit për këtë sezon në Kategorinë Superiore, është mbyllur në barazim pa gola, ku nuk munguan rastet e dyshimta.
Tirana pretendoi në dy raste për penallti. Në minutën e 49’, Alban Hoxha e tepron me mbajtjen e topit dhe sulmuesi Danso i bën presion, duke prekur topin dhe portieri i të kuqve e godet te këmba. Gjithçka e rregullt për arbitrin Xhaja, i cili vazhdon lojën.
Akoma më i diskutueshëm ishte rasti i minutës së 80’, ku Ernest Muçi, futet në zonë, dhe pas duelit me Jasir Asanin, sulmuesi bardheblu kërkon penallti, por nuk është i këtij mendimi gjyqtari.
