Barcelona zbavitet edhe pa Leo Messin dhe e bën duke shkatërruar lehtësisht Ferencvaros. Protagonisti, ose më saktë, protagonistët e mbrëmjes hungareze janë Dembele dhe Braithëate.
I pari është spektakolar në asist dhe goli me penallti, por sidomos në pjesën e dytë i pakapshëm dhe që shërben një asist që Trincao nuk e shfrytëzon për të shënuar.
I dyti, pra futbollisti më i kritikuar, shënon pas pasimit të artë të francezit dhe më pas fiton penallti dha ia kthen “borxhin” Dembele.
Por, mes këtyre të dyve, goli që hap sfidën në Budapest është ai i Griezmann, me thembër. Francezi duket se po rigjen veten pak nga pak.
Barcelona mund të flejë e qetë edhe pa Messin, pasi tashmë Koeman duket se ka gjetur çelsin e suksesit! Natyrisht, ka edhe një provë të fundit, për të ruajtur kreun e grupit, ajo ndaj Juventusit në “Camp Nou” por aty do të jetë padiskutim Messi kundër Ronaldo!
