“Për fat të keq është një trend që vazhdon prej dymbëdhjetë javësh, e kështu edhe lojtarët ndonjëherë mund të nervozohen sepse episode arbitrale nuk po rrjedhin në favorin tonë. Imazhet janë të qarta për të gjithë”. Frazë e “firmosur” nga Andrea Pirlo, i cili në përfundim të Juventus-Fiorentina dhe pasi qortoi lojtarët e tij (“qëndrim tepër i gabuar i ndeshjes, nuk ka alibi”) heq një gur nga këpuca dhe flet për trend gabimesh. Përse? Ja lista e episodeve të dyshimta që kanë përfshirë Juventusin gjatë këtij sezoni.
27/9 ROMA-JUVE 2-2, MUNGON NJË I KUQ
Juventusi luan me 10 lojtarë për shkak të përjashtimit me karton të kuq të Rabio në minutën e 62-të. Megjithatë, edhe verdhekuqtë mund të kishin mbetur me 10 lojtarë pas përjashtimit të Pelegrinit, i cili falet te prekja me dorë që provokon penalltinë për Juventusin në minutën e 43-të (Rabio për një faull të ngjashëm që shkaktoi penallti u sanksionua më të verdhin e dytë). Pelegrini në minutën e 53-të ndëshkohet me karton të verdhë pas një faulli ndaj Ronaldos. Me të verdhin e pjesës së parë do të kishte qenë i kuq.
17/10 KROTONE-JUVE 1-1, I KUQ I TEPËRT
I tepruar kartoni i kuq për Kiezën në minutën e 15-të të pjesës së dytë, pas faullit me këmbën e tendosur ndaj Çigarinit. Lojtari bardhezi shkon me vrull në një top të diskutueshëm dhe rrotullon këmbën e djathtë drejt pjesës së jashtme, duke dhënë përshtypjen se kërkoi dyluftimin me të brendshmen. Çigarini në rrëshqitje e paraprin në momentin e fundit dhe duke mos gjetur topin Kieza godet këmbën. 25/10
JUVE-VERONA 1-1, MUGON NJË PENALLTI
Faraoni në minutën e 37-të mban Bernardeskin në zonë, por Paskua lejon avantazhin. VAR-i nuk ndërhyn dhe sipas protokollit vendimi është i drejtë sepse nëse arbitri e vlerëson si një kontakt loje nuk mund të ketë ndërhyrje teknologjie (për sa i nevojshëm do të ishte), por vlerësimi mbetet i gabuar, mbajtja ishte për penallti.
28/11 BENEVENTO-JUVE 1-1, MUNGON NJË PENALLTI
Duket më shumë për t’u ndëshkuar mbajtja e pësuar nga De Ligt në minutën e 87-të, fanella zgjatet në mënyrë të dukshme, por Paskua lejon vazhdimin e lojës. Dhe Di Paolo në VAR nuk sinjalizoi mundësinë e rishikimit të episodit.
5/12 JUVE-TORINO 2-1, MUNGON NJË I KUQ
Në të 76-ën Lukiç me këmbën e majtë të tendosur dhe këmbën si çekiç mbi kaviljen e Bentankur. Lukiç ishte për karton të kuq. Tjetër interpretim jo uniformë me të kuqin e Kiezës në Krotone.
6/12 JUVE-ATALANTA 1-1, MUNGOJNË DY TË KUQ
Në të 24-ën Romero hyn në mënyrë të egër ndaj Artur (i cili më pas do të duhet të largohet nga fusha e lojës i dëmtuar), mund të jetë i kuq i drejtpërdrejtë. Orsato (dhe Maxoleni në VAR) nuk vërshëllejnë as faullin. Romero ndëshkohet me të verdhë pas një faulli ndaj Moraras në të 38-ën, më pas në të 58-ën hyn sërish me faull ndaj Moratës dhe falet, nuk i jepet i verdhi i dytë. Në të 7-ën De Ron ndëshkohet vetëm me karton të verdhë pas një ndërhyrjeje me rrëshqitje për karton të kuq ndaj Kuadrados.
22/12 JUVE-FIORENTINA 0-3, DY PENALLTI DHE NJË I KUQ
Mungon një i kuq për Borha Valeron i cili, i ndëshkuar me të verdhë, kryen një faull nga prapa në dëm të Bentankurit në fillim të pjesës së dytë. Në të 58-ën penallti për Ronaldon, i prekur në zonë nga Kastrovili. Në të 78-ën penallti ndaj Bernardeskit, si krahu i Dragovskit në fytyrën po ashtu edhe në gjurin e lojtarit bardhezi.
