Eden Hazard në proces.
I ndalur nga dëmtimi i radhës, belgu po rezulton një dështim i vërtetë i merkatos për Real Madrid, klub që në verën e 2019-ës e pagoi 100 milionë euro plus bonus.
Nga momenti që ka zbarkuar në Spanjë e deri më sot, Hazard ka koleksionuar 28 ndeshje, tre gola dhe shtatë asiste. Mbi të gjitha, ai ka koleksionuar tetë dëmtime.
I fundit ka ardhur pak ditë më parë, një ndalesë që do ta detyrojë të qëndrojë në bokse për dy-tri javë.
E përditshmja AS ka bërë llogaritë mbi koston e një operacioni që, duke u bazuar te shifrat, nuk ka asnjë kuptim. Deri më sot, çdo minutë e belgut në fushë i ka kushtuar 72258 euro Real Madrid-it.
Çdo ndeshje e tij i ka kushtuar madrilenëve 4,8 milionë euro, çdo gol 44,8 milionë.