Mesfushori i Arsenal-it, Mesut Ozil, do t’i thotë lamtumirë Premier League në fund të vitit.
Trajneri Arteta e ka përjashtuar gjermanin nga lista UEFA për Europa League dhe nga ajo e Premier League.
Sipas ESPN, 32-vjeçari po vlerëson mundësinë për ta vazhduar karrierën në SHBA, ku DC United dhe LA Galaxy kanë shfaqur interes për të.
Në orët e fundit është futur në garë edhe Inter Miami, klubi i David Beckham.
Arsenal ka informuar Ozil se nuk do ta pengojë një largim të mundshëm të tijin.
Kontrata e lojtarit skadon më 30 qershor të vitit 2021 dhe nga janari mund të negociojë me klube të tjerë.