Fenerbahçe është shumë e interesuar për Mesut Ozil. Trekuartisti gjerman, i cili ndodhet jashtë listës së Arsenalit, mund të ndërrojë ambjent në muajin janar.
Klubi i madh turk është i gatshëm t’a bëjë për vete vetëm në merkaton verore, pasi mesfushorit me origjinë turke i skadon kontrata në fundin e qershorit.
Sipas të përditshmes prestigjoze “BILD”, ka patur një takim midis agjentit të ish-kampionit të botës gjerman me drejtorin sportiv të Fenerbahçes, ish-futbollistin e Interit, Emre Belozollu.
Në Turqi filtron optimizmi, por fantazisti gjerman duhet të ulë pretendimet për rrogën e tij.
Mesut Ozil nuk ka zhvilluar asnjë sfidë me “topçinjtë” e Londrës ku ndodhet jashtë çdo liste të trajnerit Mikel Arteta.
