Për çdo futbollist vjen momenti që duhet t’i japë fund karrierës si profesionist dhe kjo vjen edhe për Lionel Messi-n.
Argjentinasi mbushi 30 vjeç qershorin e kaluar dhe po hyn në fazën e fundit të karrierës së tij, një fat që nuk mund t’i shpëtojë askush.
Duke folur për emisionin La Cornisa, ai shprehet: “Të gjithë thonë se është shumë e vështirë dhe nuk kam dyshime për këtë.
“Është shumë e vështirë të mos kesh rutinën e stërvitjes, lojës. Nuk e di se çfarë do të bëj apo ku do të rri.
“Dua të bëj të gjitha gjërat që nuk mund t’i bëj. Por sinqerisht, nuk e di se çfarë do të bëj.”
Gjithsesi, megjithëse ka hyrë në të 30-at, Messi nuk duket se ka ndërmend të ulë ritmin në të ardhmen e afërt të paktën. Ai ka vazhduar ecurinë e mirë edhe në ndeshjen e fundit ndaj Athletic Bilbao, ku shënoi edhe golin e 25-të në La Liga.
