Teuta ka mposhtur Kukësin me rezultatin 0-3 në ndeshjen përmbyllëse të javës së 12-të të Kategorisë Superiore, e cila ishte edhe e fundit për vitin 2020.
Një 3 pikësh i artë për durrsakët e Edi Martinit, që ngjiten në vendin e dytë. Vlen të theksohet fakti se Teuta e mbyll këtë vit kalendarit pa humbje, për sa i përket këtij sezoni. Në 12 ndeshje “djemtë e detit”, kanë arritur të sigurojnë 4 fitore dhe 8 barazime.
Pavarësisht disfatës me 3 gola, Kukësi i Rrahman Hallaçit, zhvilloi një ndeshje relativisht të mirë, ku në pjesën e parë, verilindorët protestuan për 2 penallti të padhëna, të cilat do të prodhojnë mjaft polemika.
Emiljano Vila, Bregu dhe Lorenco Vila, ishin autorët e golave për Teutën në këtë përballje.
