Inter ka marrë përkohësisht kreun e Serisë A pasi ka mundur 2-1 në transfertë Verona-n.
Një fitore e vuajtur për skuadrën e Antonio Conte-s, që ka arritur ta zhbllokojë ndeshjen me një gol të bukur të Lautaro Martinez në minutën e 52-të.
Kundërpërgjigjja e veronezëve ka qenë pothuajse e menjëhershme, me Ilic që ka përfituar nga një gafë e Handanovic në minutën e 63-të dhe ka barazuar rezultatin.
Goli që ka vendosur ndeshjen ka ardhur në minutën e 69-të nga Milan Skriniar, i cili ka mposhtur portierin Silvestri me një goditje të bukur me kokë.
Inter është ngjitur në vendin e parë me 33 pikë, duke shkuar dy pikë larg Milan-it që do të presë Lazio-n në San Siro mbrëmjen e sotme.
