Pritet të startojë ndeshja mes Juventus dhe Fiorentinës e vlefshme për javën e 14-të Serisë A, e cila luhet sonte në orën 20:45.
Për takimin e sotëm, trajneri i Juventusit Andrea Pirlo do të luajë në mesfushë me Ramsejn, Bentakurin, MekKinin dhe Kiezën. Sulmi do të udhëhiqet nga dyshja Ronaldo-Morata.
Bardhezinjtë luajnë teksa sot u dha vendimi i anullimit të 3 pikëve të ndeshjes së paluajtur të 4 tetorit me Napolin nga Komiteti Olimpik Italian, i cili vendosi që sfida e prapambetur të luhet dhe Napolit t’i kthehet një pikë e zbritur në klasifikim. Përsa i përket titullit, Juventusi është 7 pikë larg nga Milani i vendit të parë dhe fitorja e sotme ndaj Fiorentinës është detyrim.
JUVENTUS-FIORENTINA
Formacionet zyrtare
Juventus (4-4-2): Szczesny; Cuadrado, De Ligt, Bonucci, Alex Sandro; Chiesa, Bentancur, McKennie, Ramsey; Morata, Ronaldo. Trajner: Andrea Pirlo.
Fiorentina (5-3-2): Dragowki; Caceres, Milenkovic, Pezzella, Igor, Biraghi; Amrabat, Borja Valero, Castrovilli; Ribery, Vlahovic. Trajner: Çezare Prandeli.
