Pasi ka harruar zhgënjimin për përjashtimin nga treshja e finalistëve për çmimin FIFA The Best Neymar ka vendosur të ndërrojë faqe dhe t’i kushtohet pasionit të tij: tatuazheve.
Në rrjetet sociale janë bërë menjëherë virale imazhet e veprës së fundit të artit që është shfaqur në kurrizin e tij.
Siç tregojnë stories në Instagram të personit që i bën tatuazhet yllit të PSG-së, braziliani ka dashur të zgjerojë koleksionin e tij me një tjetër Superhero.
Pas Batman dhe Superman, O’Ney ka shtuar edhe Goku-n, protagonisti i filmit të njohur vizatimor “Dragonball”. Nga sa mësohet nga mediat braziliane, vizatimi duket se është një shenjë miqësie me Gilmar Araujo, shoku i tij i ngushtë.
Gjithashtu, në të njëjtën natë, Neymar ka bërë edhe një shkrim në këmbë. Gjithçka e dokumentuar në rrjetet sociale.
