Boksieri shqiptar, Florian Marku, barazoi mbrëmjen e djeshme kundër Jamie Stewart. Boksieri ynë e fitoi ndeshjen dhe e dominoi kundërshtarin e tij duke e hedhur në tapet, por në fund gjyqtarët vendosën që sfida të mbyllej në barazim 76-76.
Një rezultat i tillë i zhgënjeu të gjithë dhe sidomos “Shqiponjën kuqezi”. Menaxheri i tij, Sam Jones, ka bërë me dije se Marku nuk do të ketë një ndeshje të dytë me Stewart, pasi e dominoi kundërshtarin e tij dhe nuk ka pse të ripërsërisë një ndeshje të tillë.
“Jamie Stewart ka një histori të pabesueshme, ai është kthyer nga fundi: burgu dhe varësia (ndaj drogës). Kështu, unë jam i lumtur për të dhe i uroj gjithë të mirat në atë që e pret.
“Nuk do të ketë asnjë revansh (mes Stewart dhe Markut) sepse nuk ka absolutisht asnjë nevojë. Të gjithë e dinë se kush fitoi”, – tha Jones.
Jamie Stewart has incredible story and he’s come back from the brink . Prison and addiction so for that I am happy for him and I wish him all the best going forward❤️ but there won’t be any rematch as there’s absolutely no need everyone knows who won ! @CharltonRylan see you soon
— Sam Jones (@mrsamjones88) December 12, 2020