Nga një person i padëshiruar në skemat e Antonio Kontes në një që i rimori forcat dhe i pagoi me punë në fushën e blertë. Milan Skriniar rigjen forcat dhe rikthehet tek ai Skriniari i vjetër që kishim parë ato dy sezonet e para fantastike të përshkuar me fanellën zikaltër.
Në fillimin e sezonit slovaku ishte në shitje duke parë blerjen e Kolarovit në qendrën e mbrojtjes por që pas derbit ndaj Milanit u zhduk duke mos lënë gjurmë.
Interi pësonte shumë dhe mbrojtja çalonte dhe Skriniar u thirr në luftë për të qenë përsëri lider i asaj mbrojtje. Konte tani më ka një “armë” më shumë në mbrojtje.
