Trajneri i Liverpoolit, Jurgen Klopp, ka folur dhe për shterpsinë e golave të Sadio Manes në 10 ndeshjet e fundit. Senegalezi ka shënuar vetëm 1 gol, por numri një i stolit mendon se ka zhvilluar ndeshje shumë të mira.
“Mund të humbisja gjithçka nëse do të vendosja bast se sa gola ka shënuar Sadio Mane në 10 ndeshjet e fundit. Nuk e kisha idenë se e ka dërguar vetëm 1 herë topin në rrjetë.
“Ai ka luajtur jashtëzakonisht mirë, shumë e vështirë ta mbulosh. Duhet ta mbrosh me 2-3 lojtarë dhe kjo na krijon shumë hapësirë për lojtarët e tjerë”, – tha tekniku i kampionëve në fuqi të Anglisë.
Klopp on Mane: "I'd have lost everything if I'd bet on how many goals Sadio had scored in the last 10 games. I had no idea he only had one. He has played exceptionally well, unbelievably difficult to defend, you have to put 2/3 players on him, that opens up so much space for us."
— James Pearce (@JamesPearceLFC) December 24, 2020
