Mats Hummels nuk është përmbajtur gjatë një interviste, pas humbjes që pësoi Borussia Dortmundi në Bundesligë.
Mbrojtësi 32-vjeçar u ftua në një intervistë pas humbjes 2-1 të skuadrës nga Union Berlini.
Hummels filloi të godiste me grusht pjesën ku zhvillohen intervistat, duke qenë i pakënaqur me rezultatin që mori skuadra e tij.
Zhgënjimi i tij ishte i kuptueshëm. Ishte humbja e tretë e Borussias në pesë ndeshjet e fundit në Bundesligë. Të shtunën e kaluar humbja 5-1 në shtëpi ndaj Stuttgart çoi në shkarkimin e menaxherit Lucien Favre, me Edin Terzic që mori detyrën përkohësisht.
Pamjet në videon më poshtë tregojnë frustrimin e Hummelsit me bashkëlojtarët e tij që nuk arritën të fitonin as në këtë takim.