Apolonia mori fitoren ditën e sotme dhe si për ironi të fatit, Nikolin Çoçlli, e mori atë ndaj skuadrës së qytetit të tij, Skënderbeut. Për mikrofonat e “Supersport”, trajneri u shpreh se nuk do donte një fitore ndaj qytetit të tij, por futbolli kështu është.
“Skuadra e ka shumë të nevojshme rezultatin. Vinim pas disa ndeshjeve jo të mira, dhe ana psikologjike e lojtarëve ishte e rënë. Kemi grup të mirë, për mua janë lojtarë me nivel Shpresoj që ky rezultat, t’iu japë mundësi lojtarëve që të jenë atje ku pretendojnë. Jam i emocionuar, pasi munda Korçën, qytetin tim.
Të them të drejtën nuk e doja, por futbolli kështu e ka. Shpresonim që kjo të ishte pika e kthesës dhe ia dolëm. Do tentojmë ta bëjmë gjithë kohës këtë. Ne duhet të kërkojmë gjatë gjithë kohës, që lojtarët të arrijnë nivelin e lartë. Kështu do luajmë gjatë gjithë skuadrave. Nuk janë lojtarë të rinj. Lojtarët kanë 4 vite me këtë ekip. Shpresoj që të jem më tej dhe të rrisim lojtarët.” , u shpreh Çoçlli.
