Edinson Kavani rrezikon të përjashtohet me 3 ndeshje. Federata Angleze e Futbollit ka ngritur akuzën e përdorimit të fjalëve raciste në rrjetet sociale ndaj 33-vjeçarit.
Në vendimin e fundit, ish-futbollisti i PSG-së konsiderohet se ka shkelur rregullin E33 të Kodit të Etikës së FA-së, e cila ndalon që çdo lojtar, trajner apo zyrtar futbolli të përdorë fjalë denigruese raciste.
Kavani dhe Mançester Junajtid kërkuan falje pasi lojtari falenderoi një mikun e tij duke e quajtur në spanjisht “negrito”. Sipas procedurës, Kavani mund të humbasë 3 ndeshjet e ardhshme të “Djajve të Kuq”.