Jo gjithmonë yjet mund të shkëlqejnë në fushë, por ka raste që ata mund të gabojnë dhe në momente kur gjithçka mund të zgjidhet shumë lehtë. Përveç Alvaro Moratës, dje ishte një mbrëmje për t’u harruar dhe për lojtarin e Barcelonës Antuan Grizman.
Sulmuesi francez humbi një rast të pabesueshëm me portën e boshatisur ndaj Real Sociedadit ku mund të kishte vulosur fitoren në 3-1. Në rrjetet sociale, ndjekësit kanë ironizuar kampionin e botës me Francën duke shkruar se ai ka vepruar si “mbrojtës i Atletik Bilbaos”.
Lojtari po kalon dy sezone mjaft të vështira në “Kamp Nou”, ku ende nuk ka dhënë atë që presin të gjithë.
