Talenti i Shpresave, Omar Imeri, bëri debutimin si titullar në Superligën turke, me fanellën e Antaliasporit, në përballjen ndaj Ankaraguçu që përfundoi me rezultatin 1-0 në favor të vendasve.
Shqiptari i Maqedoni arriti të fitonte “derbin” me Endri Çekiçin që aktivizohet te Ankaraguçu. Pogradecari e nisi sfidën nga stoli, duke u aktivizuar në fillimin e pjesës së dytë.
Golin e vetëm të ndeshjes e realizoi Jahoviç në minutën 45+4’. Vlen të theksohet se pjesë e Antaliasporit, janë edhe futbollistët Lukas Podolski dhe Nuri Shahin, të cilët kanë një karrierë të jashtëzakonshme, duke fituar shumë trofe, ku spikat Kupa e Botës me Gjermaninë.
Imeri u aktivizua 90 minuta të plota, duke bërë një paraqitje dinjitoze.
