Ky ishte një vit perfekt për Milanin. Intensiv dhe emocionues. Nga dita e parë deri në ditën e fundit, nga e para në ndeshjen e fundit të Serie A.
Natyrisht, nëse marrim parasysh arsyet ekstrafutbollistike tani të njohura për të gjithë (pandemia) 2020 nuk do të mbahet mend nga askush me shumë kënaqësi, por nëse mendohet ekskluzivisht për kontekstin sportiv ky vit aktual kalendarik që do të arkivohet brenda pak ditësh do të mbahet mend përgjithmonë me shumë kënaqësi nga Milani dhe tifozët kuqezi.
Dhe kështu, pas disa vitesh pritje shumë të gjatë, Djalli i vërtetë është kthyer përsëris: ka madje 79 pikë të fituara në 35 ndeshje në kampionat (23 fitore, 10 barazime, 2 humbje), pastaj edhe 79 gola të shënuar (më të mirë në panoramën evropiane vetëm Bayern Munchen me 93 gola dhe Atalanta me 83 gola) dhe 38 të pësuar.
Një rrugëtim mbresëlënës. Unik, ose gati, në llojin e tij. Në Evropë, në fakt, vetëm Real Madrid ka qenë në gjendje të bëjë më mirë sesa ekipi i Stefano Pioli.
Blancos, në pritje të ndeshjes së fundit të vitit kundër Elche në 30 dhjetor, kanë grumbulluar 82 pikë në 35 ndeshje.
Por nuk prish punë nëse në këtë rast rekordi ose kreu vetëm u prek, asgjë nuk mund të anulojë të gjitha gjërat e mira që Milan ka bërë që nga janari.
As parakalimi i mundshëm i Liverpool nuk do të ketë ndikim në këtë kuptim, kjo është për shkak se të kuqtë aktualisht kanë 75 pikë në 33 ndeshje, por ende duhet të zbresë në fushë dy herë më shumë në javën e fundit të vitit.
Sidoqoftë, tashmë është e sigurt që Bayern Munchen nuk do të jetë në gjendje të kapërcejë kuqezinjtë, të cilët në Bundesliga fituan të njëjtat pikë, por në 30 ndeshje.
Numra që në asnjë rast nuk kanë nevojë për ndonjë përkthim, numra që në rastin specifik të Milanit e kanë lejuar atë të shkëputet nga e kaluara e afërt.
Por misioni i pamundur i Ibrahimovic dhe shokëve të tij sapo ka nisur.
Koha për të shijuar Krishtlindjet dhe më pas nga 3 janari fillon një sfidë e re. 2021 është afër, por ky Milan nuk është më larg realitetit që meriton…
