Agjenti i Toni Krosit bën me krahë tifozët e Realit të Madridit duke hapur mundësinë e një transferimi të mundshëm të Halandit në kryeqytetin spanjoll. Volker Struth thotë se sulmuesi i Dortmundit mund të luajë me Toni Krosin herët a vonë…
“Halandit nuk do t’i thosha kurrë ‘jo’. Mund të jetë pjesë e agjencisë sime të menaxhimit. Është një lojtar fantastik dhe njeri special. E njoh edhe personalisht dhe është shumë pozitiv. Është shumë i ri dhe mund të përmirësohet shumë në të gjitha aspektet.
Ekziston mundësia që ai ende të luajë përkrah Toni Krosit. Reali i Madridit është një tjetër nivel. Kros ndihet shumë mirë aty dhe po bën ndeshje fantastike. Shpresoj që të vazhdojë në këtë mënyrë”, ka thënë Struth. Ndoshta agjenti i lojtarit madrilen ka informacione se një ditë Haland mund të transferohet te “Galaktikët” dhe kjo është ëndrra e tifozëve.
