Lajme të këqija vijnë për Skënderbeun nga Ditmar Bicaj. Lojtari që doli i dëmtuar nga ndeshja me Vllazninë ka pësuar një lëndim të rëndë dhe relativisht do të mungojë për 2-3 muaj në fushat e blerta.
Burime të sigurta të gazetës pranë klubit tregojnë se mbrojtësi ka thyer në dy vende fibulën, në pjesën e kaviljes, dhe do t’i duhet ndërhyrje kirurgjikale për të rikuperuar dëmin e shkaktuar nga ai moment i minutës së 15-të të takimit në Shkodër. Mbrojtësi lezhjan do të operohet në ditët e para të 2021-it dhe duket se do të rikthehet në mesin e muajit mars duke humbur kështu një pjesë të mirë të sezonit.
