Tashmë është zyrtare, Bledi Shkëmbi është trajneri më i ri i klubit të Ballkanit.
Këtë lajm e ka bërë vetë publike, skuadra nga Suhareka ku me anë të një postimi në faqen e saj në rrjetin social “Facebook” komunikon se trajneri korçar do të drejtojë në vazhdim Ballkanin:
“Mirësevjen Bledi Shkëmbi,
Të dashur tifoz,
Kemi arritur marrëveshjen me trainerin nga Korça z. Bledi Shkëmbi.
Pas shume negociatave me trainer të respektuar, të cilët i kemi kontaktuar dhe të cilët i falenderojmë për shpalosjen e programeve të tyre dhe vullnetin për të bashkëpunuar .
Mirëpo, ai i cili na bindi për një bashkëpunim të ardhshëm tashme është timonieri më i ri FC Ballkani Bledi Shkëmbi.
Shkëmbi ka drejtuar skuadrën KF Teuta (Durrës) dhe Liria FC (Prizren) andaj kjo është sprova e tij e dytë në Superligën e Kosovës.
Na priftë e mbara Bledi Shkëmbi 🙏
Na priftë e mbara Suharekë 🙏”, përfundon postimin klubi i Ballkanit.
Bledi Shkëmbi rikthehet të drejtojë në Kosovë pas eksperiencës me Lirinë e Prizrenit në sezonin 2017/2018.