Një lamtumirë paqësore për Deian Boldor me skuadrën e Potencës në Serinë C italiane.
Ish-mbrojtësi i Partizanit përfundoi kontratën në mënyrë konsensuale me skuadrën italiane ku qëndroi vetëm tri muaj. Mbrojtësi rumun 25-vjeçar u aktivizua në total me skuadrën që militon në Serinë C në 13 takime të këtij kampionati.
Lajmin e prishjes konsensuale të kontratës së tij, e publikoi skuadra e Potencës në një komunikatë zyrtare në website-n e saj dhe në rrjetet sociale duke shkruar:
“Skuadra e Potencas komunikon se ka zgjidhur në mënyrë konsensuale raportin me futbollistin Deian Boldor.
Klubi i uron Deianit më të mirën sportive dhe sa më shumë fat në rrugëtimin e karrierës së tij.”, përfundon komunikatën klubi italian.
