Drejtuesi i Bayern Munich, Karl Heinze Rummenigge, ka qenë i ftuar në emisionin e Mediaset Tiki Taka.
Duke folur për Cristiano Ronaldo-n dhe Robert Lewandowski-n, në lidhje me titullin e lojtarit më të fortë të shekullit të fituar nga CR7, ai ka thënë:
“Ne jemi shumë të kënaqur me Lewandowski-n. Në 2020-ën na ka bërë të fitojmë pesë tituj mes të cilëve trofeun më të rëndësishëm në botë: Champions League”.
“Robert është i jashtëzakonshëm, në Lisbonë ka qarë pas finales së fituar sepse kishte realizuar ëndrrën e tij. Por mendoj se Cristiano e ka fituar me meritë çmimin si futbollisti më i mirë i shekullit të fundit sepse ka bërë dhjetë vite në një mënyrë të jashtëzakonshme dhe akoma sot tek Juventus po luan shumë mirë”.
