Te skuadra angleze e Derbit në Championship, ka shpërthyer Koronavirusi, teksa kanë rezultuar pozitivë disa lojtarë dhe pjesëtarë të stafit teknik.
Në këtë situatë e gjithë skuadra e Derbit është izoluar në shtëpitë e tyre, për të shmangur infektimin. Është pezulluar stërvitja dhe ende nuk dihet se kur do të fillojë, pasi priten përgjigjet e testeve të radhës.
Sipas raportimeve të fundit, thuhet se Derbi mund të zbresë në fushë në fundjavë me skuadrën e të rinjve. Ndeshja me Çorlei është planifikuar të zhvillohet ditën e shtunë dhe është e vlefshme për kupën e Anglisë.
Derbi me shumë mundësi në këtë ndeshje do të zbresë me lojtarë të rinj, nga skuadrat e 18-vjeçarëve dhe atyre të 23-vjeçarëve.
