Ndeshje e çmendur mes Sampdorias dhe Interit në “Marassi”. Skuadra zikaltër ka fituar një penallti për prekje me dorë dhe më pas ka qenë Sanchez (në mungesë të Lukakut) ai që ka goditur por Audero ka pritur.
Te topi i kthyer ka provuar Young por ka gjetur kryqëzimin mes shtyllës dhe traut të portës së Sampdorias.
Më pas, dorianët goditën gjithashtu shtyllën me Tonelin. Menjëherë një prekje me dorë e Lautaro Martinez detyroi arbitrin të akordojë penallti, por në imazhet e VAR u korigjua vendimi pasi prekja kishte ndodhur pak centimetra jashtë zone.
Sakaq, prekja tjetër me dorë nga Barella konsiderohet nga VAR si penallti dhe Candreva, ish-futbollisti zikaltër, nuk fal!
