Atalanta ka mundur 3-2 Lazio-n dhe është kualifikuar në gjysmëfinalet e Kupës së Italisë, ku do të përballet me fituesen e Napoli-Spezia.
Në Gewiss Stadium ka ndodhur gjithçka: zikaltrit kanë kaluar në avantazh me Gjimshiti-n në minutën e 7-të, por miqtë kanë barazuar dhe përmbysur gjithçka me golat e Muriqit (17′) dhe Acerbi-t (34′).
Gjithsesi, Lazio nuk ka arritur ta ruajë avantazhin për një kohë të gjatë, duke parë se Atalanta ka barazuar me Malinovskyi në minutën e 37-të.
Në fillimin e pjesës së dytë, vendasit kanë mbetur me 10 lojtarë pas kartonit të kuq të marrë nga Palomino, por kanë arritur të shënojnë gjithsesi golin e tretë me Miranchuk (57′).
Reina ka pritur një penallti të Zpata-s që do të kishte mbyllur ndeshjen, por rezultati nuk ka ndryshuar deri në fund.
