Ronald Kuman shpreson që skuadrat në krye të gabojnë dhe në këtë mënyrë Barcelona do të afrohet me kreun. Trajneri i Barcelonës ka thënë se ekipi po tregon rritje nga ndeshja në ndeshje, por gjithashtu tregoi pse nuk po luan Grizman.
PJESA E DYTË – “Duke hequr vetëm 20 minutat e fundit, mendoj se ishim mirë në lojë. Kemi krijuar shumë rrezik dhe nuk është e lehtë që të luash kështu ndaj një skuadre që mbyllet në mbrojtje. Por kishim qetësi dhe pritëm momentin e duhur. Shënuam një gol të rëndësishëm, por patëm edhe 3-4 raste të tjera të shkëlqyera. Loja në pjesën e dytë nuk ishte brilante dhe në fund vuajtëm pak”.
GRIZMAN – “Unë besoj te çdo lojtar i skuadrës, por nëse do të luajmë me 3 mesfushorë, nuk ka vend për 3 sulmues. Me Leon në fushë na duhet dikush që sjell thellësi në lojë dhe Dembelenë që është i shpejtë. Duhet të zgjedh mes Martin dhe Antuanit. Breithueit ka bërë mirë dhe është më shumë numër 9 sesa Grizman, por kemi shumë ndeshje dhe ai do të rikthehet të luajë”.
EFEKTIVITET – “Sigurisht që duhet të përmirësohemi në pasimin e fundit dhe në pozicionimet brenda zonës. Jam i kënaqur me golin e Frenkit, sepse duam që mesfushorët të shënojnë shumë. Pres më shumë efektivitet përpara portës sepse kështu fitohen ndeshjet më lehtë”.
OBJEKTIVAT – “Ky muaj është shumë i rëndësishëm për objektivat që kemi. Do të luajmë shumë ndeshje në transfertë dhe nëse fitojmë aty, sigurisht që kemi shanse. Nuk është aspak e lehtë të fitosh jashtë. Por shpresojmë që edhe ekipet përpara nesh të ndalojnë dhe mund të shkurtojmë diferencat. Duhet të gabojnë ata sepse në të kundërt jemi larg”