Mesfushori Christian Eriksen do të largohet nga skuadra e Interit në janar. Ai nuk ka hapësira në formacionin e Antonio Contes dhe po mendon të gjejë një tjetër strehë.
Dy ekipet e fundit që janë futur në garë për mesfushorin danez janë Ajaxi dhe Wolves. 28-vjeçari nuk duket aspak i joshur nga dy emra të tillë, pasi po mendon të kalojë te një skuadër tjetër e rëndësishme.
PSG ka shfaqur interes me trajnerin Mauricio Pochettino që do ribashkimin me të, ndërsa në krahun tjetër ka shfaqur interes dhe Tottenhami. Ekipi i “Spursave” dëshiron që të rikthejë në Angli Eriksen.