Manchester City mund të bëjë një lëvizje shumë interesante në merkaton e verës. Ekipi i drejtuar nga trajneri Pep Guardiola po monitoron me kujdes situatën e Sergio Ramosit në Madrid.
Kapiteni nuk ka rinovuar ende kontratën me kampionët e Spanjës. Ai po bisedon me drejtuesit dhe duket se gjithçka po shkon mirë, por ende nuk ka firmë në kontratë.
Kjo do të thotë se 34-vjeçari ka të drejtë të bisedojë me çdo klub, pasi i skadon kontrata në merkaton e verës. Mbetet për t’u parë se si do të shkojë gjithçka. Zidane e do kapitenin e tij dhe për sezonin tjetër, pasi po shfaq një formë shumë të mirë.
