Kaleb Ekuban, po zhvillon një sezon të shkëlqyer në Turqi, ku aktivizohet me skuadrën e Trabzonporit, teksa në 6 ndeshjet e fundit ka shënuar 4 herë, pas rikthimit nga dëmtimi.
Pikërisht duke parë formën e mirë që po kalon, në gjurmët e sulmuesit që shkëlqeu me Partizanin në 2017-ën, tani në gjurmët e ganezit janë vënë skuadrat e mëdha europiane.
Sipas asaj që raportojnë mediat turke, Torino ka shfaqur interes së fundmi për sulmuesin, teksa ka bërë edhe një ofertë. Klubi i Serisë A, ka ofruar 8 milionë euro për shërbimet e Ekubanit, por turqit kanë vendosur ta mbajnë në skuadër lojtarin, pasi janë të bindur se do i ndihmojë dhe mund të rritet akoma më shumë vlera e tij.
