Po bëhet plot një vit nga aksidenti tragjik me aeroplan, ku humbi jetën legjenda e basketbollit, Kobe Bryant dhe vajzës së tij, Gianna. Në aksidentin e 26 janarit të vitit 2020 ndërruan jetë edhe 7 persona të tjerë.
Teksa ditët kalojnë, bashkëshortja e basketbollistit ka zbuluar se ku e ka gjetur forcën dhe arsyen për të jetuar gjatë kësaj periudhe të trishtuar. Përmes një postimi në rrjetet sociale, Vanessa Bryant , ka dhënë një këshillë të vyer për ndjekësit e saj.
“Më lini të jem e vërtetë. Hidhërimi është një tufë emocionesh të ngatërruara. Një ditë ti je duke qeshur dhe të nesërmen të duket sikur nuk je gjallë. Dua t’ju them njerëzve që po luftojnë me dhimbjen dhe humbjen zemërthyese. Gjeni arsyen tuaj për të jetuar. E di që është e vështirë. Unë shikoj vajzat e mia dhe përpiqem ta shtyj atë ndjenjë vetëm për to. Vdekja është e garantuar, por të jetuarit pjesën tjetër të ditës nuk është. Gjeni arsyen tuaj”, ka shkruar Vanessa në një postim në Instagram.
Kujtojmë se Kobe Bryant la pas 3 vajza, për të cilat po përkujdeset Vanessa, Natalia Bryant 17 vjeçe, Bianka 4 vjeçe dhe vogëlushen 18-muajshe Capri.
