Andrea Pirlo beson te përmbysja e madhe e Juventusit në renditje dhe se fillimi i mirë është gjysma e punës, pas suksesit ndaj Udinese.
Trajneri bardhezi e quan të rëndësishme por jo vendimtare sfidën përballë Milanit të mërkurën.
“Është sigurisht një ndeshje e rëndësishme, jo vendimtare. Të luash Milan-Juventus është gjithmonë interesante, ishte si lojtar dhe do të jetë si trajner. Ne do të luajmë ndeshjen për të bërë më të mirën, do të jetë e rëndësishme por jo vendimtare”.
“Për mua është një lojë e rëndësishme, edhe nëse klubi ka ndryshuar shumë që nga ka koha ime, pasi vetëm Maldinin njoh. Do të jetë akoma e mrekullueshme edhe sepse është hera e parë që përballem me ata si trajner”.
A do të ketë ndonjë ndryshim në mesfushë?
“Rabiot më në fund është rikuperuar nga pezullimi, Arthur gjithashtu është rikuperuar dhe është shumë më mirë. Dëmtimi me Atalanta e mbajti atë larg fushave.
Ne do të vlerësojmë se kush do të luajë aty nensër, gjithashtu duke parë analizat e tamponëve”.
Keni menduar për ndonjë masë të veçantë për Milanin?
“Ne duhet të jemi të kujdesshëm, ata janë shumë të mirë në marrjen e topit dhe sulmimin shpejt. i kemi parë në video. Ata arrijnë te zona golit me dy ose tre pasime, duhet të jemi teknikisht të mirë dhe të jemi të kujdesshëm në kundërsulme”.
A jeni shumë i varur nga Ronaldo?
“Që nga fillimi u përpoqëm ta shfrytëzonim atë për karakteristikat e tij, ne donim ta sillnim atë të ishte vendimtar në metrat e fundit.
E kemi vendosur në një pozicion ku nuk do të lodhet dhe kthehet, për të shfrytëzuar karakteristikat e tij. Ronaldo është vendimtar kudo, normale që të varesh nga ai. Por edhe ne jemi të lumtur. Ibra është gjithashtu thelbësor për Milanin sepse ai ndryshon mënyrën e lojës, por ata kanë shfrytëzuar karakteristikat e të tjerëve në mungesë të tij”.
Çfarë ndeshje do të jetë kundër Milanit?
“Ata nuk humbasin prej shumë ndeshjesh, kështu që sigurisht kanë diçka të mirë: janë skuadra që duhet mposhtur. Ne do të përpiqemi të shkojmë në San Siro për të imponuar lojën tonë. Nuk do të kemi frikë të luajmë hapur sepse këto janë ndeshjet e bukura për të luajtur!
A ju vjen inat të mos keni lojtarë të rëndësishëm nesër dhe se ndeshjet e tjera nuk janë luajtur?
“Ne do të shkojmë dhe do të luajmë ndeshjen, kjo ka ndodhur edhe me ekipe të tjera dhe ata gjithmonë kanë luajtur. Nuk ka justifikime, ne kemi një skuadër konkurruese. Do të gjejmë njëmbëdhjetë lojtarë për të luajtur nesër dhe nuk do të kemi frikë të shkojmë dhe të luajmë në San Siro”.
A pasqyron renditja vlerat e ekipeve?
“Po, Milani është skuadra që bëri më të mirën nga të gjitha dhe me meritë janë në krye të tabelës. Ne do të luajmë ndeshje pas ndeshje më së shumti për t’u rikthyer dhe pastaj do të shohim se ku jemi”
Ju kurrë nuk keni fituar kundër dhjetëshes më të mirë …
“Nuk kemi fituaar për gjëra të ndryshme. Janë gjithmonë tre pikë për t’u përballur në të njëjtën mënyrë. Në kampionatin italian nuk mund të vendosesh i avantazhuar për asnjë sekondë, të gjitha ekipet kanë një kalibër të caktuar dhe një kompaktësi të caktuar. Ju nuk mund t’i luani ndryshe, duhet të përballeni me ta në të njëjtën mënyrë” .
Çfarë ndeshje pret taktikisht?
“Unë dua të shoh një Juve të bindur për forcën e saj dhe që dëshirojnë të luajnë lojën që ka në mendje. Do të jetë një ndeshje shumë taktike, por ne do të duhet të jemi të vetëdijshëm për të luajtur ndeshjen tonë atje kundër një Milan që është mirë mendërisht dhe fizikisht.
Kanë lojtarë të mirë në hapësira sulmuese, gjithashtu do të duhet të jemi shumë të kujdesshëm në këtë aspekt”.
